TARİX İNSTİTUTU

Azərbaycan tarixşünaslığında ilk dəfə olaraq “İpək yolu”nun bərpası prosesi monoqrafiyada kompleks şəkildə tədqiq edilmişdir. Əsərdə SSRİ dağıldıqdan sonra respublikanın nəqliyyat-iqtisadi vəziyyətinə aydınlıq gətirilmiş, “Yeni ipək yolu”nun yaradılmasının iqtisadi, siyasi zəruriliyi elmi baxımdan şərh edilmiş, bərpa istiqamətində Avropa Komissiyasının həyata keçirdiyi layihələr təhlil və tədqiq edilib öyrənilmişdir. Monoqrafiyada həmçinin Ümummilli lider Heydər Əliyevin bu sahədəki xidmətləri elmi tədqiqat obyektinə çevrilmiş, bərpa prosesinin respublikanın nəqliyyat infrastrukturunun yenidən qurulmasında, regional və beynəlxalq nəqliyyat-iqtisadi əlaqələrin inkişafında əsaslı rolu, həmçinin Ermənistanın ölkəmizin iqtisadiyyatına, ekologiyasına və mədəniyyətinə vurduğu zərbələr elmi baxımdan təhlil və tədqiq edilib öyrənilmişdir. Monoqrafiya elm və təhsil sahəsində çalışanlar, tədqiqatçılar, ali məktəb tələbələri və geniş oxucu kütləsi üçün nəzərdə tutulmuşdur.